Монгол нүүрс ассоциаци болон Хятадын “Sxcoal” компани стратеги хамтын ажиллагааны Санамж бичигт гарын үсэг зурлаа
🇲🇳🇨🇳 Монгол нүүрс ассоциаци (МНА) болон Хятадын нүүрсний салбарын мэдээлэл, үнийн индексийн тэргүүлэгч “Sxcoal” платформыг эрхлэн явуулдаг “Fenwei Digital Information Technology” компани урт хугацааны стратеги хамтын ажиллагааны Харилцан ойлголцлын санамж бичигт (MoU) гарын үсэг зурлаа.
Энэхүү санамж бичигт “Монголын нүүрсний салбарын уулзалт 2026” олон улсын хурлын үеэр МНА-ны Ерөнхийлөгч, PhD Б.Бямбадагва болон “Fenwei” компанийн Дэд захирал Фенг Донгбин нар гарын үсэг зурав.
🤝 Хамтын ажиллагааны гол зорилго:
Хоёр улсын нүүрсний салбарын үйлдвэрлэлийн уялдаа холбоог гүнзгийрүүлэх, Бүс нутгийн худалдааны үр ашгийг дээшлүүлэх, Зах зээлийн ил тод, тогтвортой байдлыг хангах
💡 Зах зээлийн шинэ боломжууд:
Хамтын ажиллагааны хүрээнд талууд жил бүр хамтарсан арга хэмжээ, туршлага судлах хөтөлбөрүүдийг зохион байгуулна. Олон талт судалгааны аяллууд нь Монголын олборлогчдод Хятадын дотоодын зах зээлийн системтэй шууд танилцах боломж олгохоос гадна Хятадын худалдан авагч, хөрөнгө оруулагчдад Монголын уул уурхай, логистикийн дэд бүтэцтэй газар дээр нь танилцах нөхцөлийг бүрдүүлэх юм.
📊 Үнийн жишиг ба МНА-ны оролцоо:
“Fenwei” компанийн CCI Монгол нүүрсний үнийн индексүүд (Ганцмод боомт дээрх түүхий болон угаасан коксжих нүүрсний индекс) нь Хятад-Монголын хил дамнасан нүүрсний худалдаа болон Монголын Хөрөнгийн Биржийн арилжааны үнийн гол тулгуур жишиг болж байдаг.
Монгол Улсын нүүрсний үйлдвэрлэл, экспортын 90 гаруй хувийг бүрдүүлдэг гишүүн компаниудынхаа эрх ашгийг хамгаалагч МНА нь энэхүү хамтын ажиллагаагаар дамжуулан гишүүддээ зах зээлийн бодит мэдээлэл, бизнес холбоо тогтоох шинэ боломжуудыг олгохоор ажиллаж байна.
#MongolianCoalAssociation #Fenwei #Sxcoal #CoalTrade #MiningWeek2026 #MinePro2026 #MongoliaChinaTrade #CoalIndex