Дэлгэрэнгүй мэдээлэл
ЭРЧИМ ХҮЧНИЙ НҮҮРС 2026 ОНЫ 1-Р УЛИРАЛ
Зах зээлийн тайлан
2026 оны 1-р сард боомтын зах зээл дэх арилжааны идэвх сул хэвээр байлаа. Уурхайн
ам нөхцөлтэй нүүрсний үнэ тасралтгүй буурч, боомтын агуулахын нөөц өндөр түвшинд
хадгалагдсантай холбоотойгоор доод шатны хэрэглэгчид үнийн хэлэлцээрт идэвхтэй
оролцож, үнийг цаашид бууруулах чиглэл баримталсаар байв. Хүйтний эрч өмнө зүгт
шилжсэнээр эргийн бүсийн цахилгаан станцуудын хоногийн нүүрс зарцуулалт нэмэгдэж,
нөөц бүрдүүлэх эрэлт бага зэрэг сайжрав. Үүний зэрэгцээ импортын бага илчлэгтэй
нүүрсний үнэ тогтвортой байсан нь хойд бүсийн боомтуудад дотоодын дунд болон бага
илчлэгтэй нүүрсний эрэлтийг нэмэгдүүлэхэд нөлөөлөв. Хоёрдугаар сарын дунд үеэр тохиох
Хятадын Цагаан сарын баярын өмнөхөн нийлүүлэлт хумигдана гэсэн хүлээлттэй
холбоотойгоор худалдаачид үнийн саналаа цаашид бууруулах сонирхол багасч, дунд болон
бага илчлэгтэй нүүрсний үнэ тогтворжих, өндөр илчлэгтэй нүүрсний үнийн уналт саарах
нөхцөл бүрдэв.
Сэтгэгдэл
Хараахан сэтгэгдэл алга